Avant Cashmere-ийн дизайнерын хувьд миний бүтээлч аялал үргэлж өвөрмөц соёлын түүх, урлагаас урам авч өрнөдөг. Хэдхэн сарын өмнө Чилид хийсэн аяллын үеэр, эртний Ацтек болон Перугийн соёл иргэншлүүдийн урлаг, түүхтэй танилцах боломж олдсон юм. Тэдний тод өнгө, нарийн хээ угалз, байгальтай холбогдох арга зам нь намайг гайхшруулсан. Энэ сэтгэгдэл миний оюун санаанд гүн ул мөр үлдээж, дараагийн цуглуулгадаа тусгах маш их хүсэл төрүүлсэн юм.

Б. Туул

Чили улс, Сантиаго хот 
Santiago, Chile 
Chilean Museum of Pre-Columbian Art

Перу болон Ацтек соёлоос сэдэвлэсэн дизайнууд

2025 оны Avant Cashmere-ийн малгай, ороолтын цуглуулга нь эдгээр эртний соёл иргэншлүүдийн урлагийн хээ угалз болон Монгол ноосны дулаан байдлыг хослуулсан бүтээл юм. Дизайнууд дотор Ацтекүүдийн геометрийн зоримог хээ угалз, Перугийн урлагийн нарийн хийц бүхий дүрслэлүүдийг харж болно. Бүх бүтээлүүд өөр өөр түүхийг өгүүлж, цаг хугацааны аяллыг мэдрүүлэх болно.

Хар цагаан хослол дээрх хүчтэй, дөрвөлжин хээ угалз нь Ацтекүүдийн сансар огторгуй болон байгалийн элементүүдтэй холбогдох ойлголтыг илэрхийлдэг. Эдгээр хээ угалз нь амьдралын төөрдөг байшин мэт адал явдлуудыг санагдуулж, Ацтекүүдийн амьдралын тасралтгүй мөчлөгийн тухай ойлголтыг тусгасан.

Харин цагаан, шаргал хослол нь зөөлөн, гэхдээ илэрхий тод хээ угалзуудыг агуулсан. Эдгээр нь Перугийн урлагт элбэг тохиолддог мушгиа хэлбэрийн шугам, тойргуудыг санагдуулж байна. Тойргууд нь амьдралын мөчлөг, байгалийн эрч хүчийг бэлгэддэг бол геометрийн хээ угалзууд нь хүн төрөлхтөн ба байгалийн хоорондын зохицлыг илэрхийлдэг.

Avant Kids цуглуулга

Мөн бид багачууддаа зориулан Avant Kids цуглуулгыг гаргасан. Эдгээр малгай, ороолтууд нь нар болон спираль дүрслэлүүдээр чимэглэгдсэн бөгөөд эдгээр нь Перугийн хадны сийлбэрээс сэдэвлэгдсэн. Эртний соёл иргэншлүүдэд нар нь амьдрал, дулааны бэлгэдэл байсан бөгөөд хүүхдийн загварууд ч үүнийг харуулдаг. Халуун шаргал, байгалийн бор өнгөний хослол нь байгальтай ойр байлгаж, дулаан мэдрэмжийг төрүүлнэ.

Соёлыг нэгтгэх нь

Эдгээр загвараар дамжуулан би Авантын хэрэглэгч нартаа холын Латин Америкийн соёлын баялаг, тэр дундаа эртний Ацтек болон Перугийн ард түмний амьдралын хэв маяг, урлагийн өвийг танилцуулахыг зорьсон юм. Энэхүү цуглуулга Монгол ноосын элчтэй дулаан чанар болон Латин Америкийн хүчирхэг түүхэн хээ угалзтай бүтээлүүдийг хослуулан бүтээсэн юм.

Перу болон Ацтек иргэд: Урлаг, Соёлын Их өвийн Эзэд

Перугийн уугуул иргэд нь олон зууны туршид өөрийн өвөрмөц соёл, зан заншлыг хөгжүүлж ирсэн ард түмэн юм. Тэдний хамгийн алдартай соёл иргэншил бол Инка эзэнт гүрэн бөгөөд энэ нь 15-р зууны үед дэлхийн хамгийн том эзэнт гүрнүүдийн нэг байсан. Мөн Перугийн өмнөд хэсэгт орших алдартай Nazca шугамууд нь эртний перу иргэдийн гаргасан хамгийн том соёлын дурсгалуудын нэг бөгөөд хэдэн арван километр үргэлжилсэн аварга том геометрийн дүрсүүд юм. Энэ шугамууд нь тэдний байгаль, сансар огторгуйд хандах гүн хүндэтгэлийг илэрхийлдэг бөгөөд тэдний урлаг, гар урлал нь мөн амьдралын мөчлөг, байгальтай нягт холбоотой байсан гэдгийг илтгэдэг.

Ацтекүүд бол Месоамерикийн нэгэн хүчирхэг соёл иргэншил бөгөөд 14-16-р зууны хооронд Мексикийн төв хэсэгт оршин тогтнож байжээ. Ацтекүүд нь дэвшилтэт архитектур, урлагийн бүтээлүүдээрээ алдартай байв. Тэдний урлаг нь байгаль, сансар огторгуй, шашны бэлгэдлүүдийг багтаасан хүчирхэг, зоримог хээ угалзуудтай байсан бөгөөд ихэвчлэн геометрийн дүрслэлүүд, амьтдын сийлбэр, байгалийн элементүүдийг ашигладаг байв. Ацтекүүдийн амьдралын хэв маяг, итгэл үнэмшил нь тэдний урлагийн бүтээлд шингэсэн байдаг.

Танд таалагдаж байна уу?

Энэхүү гайхалтай цуглуулгыг одоогоор манай сайтаас захиалах боломжтой!

Хүүхдийн малгай ороолт хос

₮ 85,900.00

Avant Kids Азтек Хээтэй Малгай Ороолт – 60% ноос, 40% акрил утсаар хийгдсэн, хоёр давхар сүлжмэл Жаккард сүлжээсээр урласан. Энэ загвар нь угаалгын машинд угаах боломжтой тул арчилгаа хийхэд хялбар. Малгайн дотор талд даавуун оруулга хийж өгсөн нь дулаан хадгалахаас гадна, хэт халууцуулахгүй, хөлөргөхгүй давуу талтай. Салхи, хүйтнээс нүүр болон толгойг хамгаалахаас гадна, хүүхдийн арьсанд […]

Color	Dark grey Light blue Light grey Yellow Sand Choose an optionDark greyLight blueLight greyYellowSand Read More About Color No description No description No description No description No description
Size	1-3Y 3-5Y 5-7Y 7-10 Choose an option1-3Y3-5Y5-7Y7-10 Read More About Size No description No description No description No description

1,718 хүртэлх урамшууллын оноог бэлгэнд аваарай.

– +

Сагсанд нэмэх

Do you feel this product is perfect for a friend or a loved one? You can buy a gift card for this item! Gift this product

Category: Aксессуар, JACQUARD15, бэлгэнд, Малгай, Малгай, Ороолт, Ороолт, өдөр тутам, Хүүхэд, Шинэ

Tags: Cashmere, cashmerecardigan, cashmeresweater, natural, naturalcolor, Sweater, undyed, undyedcashmere, Wool, woolskirt

Азтек малгай ороолт 3 хос

₮ 179,900.00 – ₮ 199,900.00

Азтек малгай ороолт 3 хос 60% ноос 40% акрилк хольцтой Монгол ноосоор cүлжсэн, өдөр тутмын хэрэгцээнд тохиромжтой, энгийн малгай. Өнгө: хар/цагаан цөлийн шар/цагаан Өвлийн гурвалсан хослол бөгөөд малгай, ороолт, гарын гэсэн гурван хэсгээс бүрдэнэ. Энэ загвар нь эртний Ацтек соёлын геометрийн хээ угалзаас сэдэвлэсэн дүрслэлтэй бөгөөд хар болон цагаан өнгийн хослол, мөн шаргал, цагаан өнгийн […]

Color	Beige Black Choose an optionBeigeBlack Read More About Color No description No description
Design	long short Choose an optionlongshort Read More About Design No description No description

3,998 хүртэлх урамшууллын оноог бэлгэнд аваарай.

– +

Сагсанд нэмэх

Do you feel this product is perfect for a friend or a loved one? You can buy a gift card for this item! Gift this product

Category: Aксессуар, JACQUARD15, бэлгэнд, Бээлий, Бээлий, Малгай, Малгай, Ороолт, Ороолт, өдөр тутам, Шинэ, Эмэгтэй

Tags: Cashmere, cashmerehat, finecashmere, hat, men, women

Таны худалдан авалт бол зөвхөн загвар биш, харин соёлын аялалд нэгдэх боломж юм. Өнөөдрөөс түүхэн, тансаг, тав тухтай байдлыг мэдрээрэй!

The post Латин Америкийн эртний урлагаас ноосон бүтээгдэхүүнд appeared first on Avant.

1. СУНАХААС СЭРГИЙЛЭЭРЭЙ

Ноос, ноолууран хувцасаа олон өдөр дарааллан өмсөхөөс зайлс хийгээрэй. Хэд хоног дарааллан өмссөн бол 2-3 өдөр амрааж хэвших нь таны ноосон эдлэлийн эдэлгээг уртасгах болно.

2. ГОГДОХ ЗҮЙЛЭЭС ХОЛ БАЙЛГААРАЙ 

Метал зүүлт, бугуйвч, бүс, гинжин оосортой цүнх, тэр ч бүү хэл матрын арьсан цүнх хүртэл таны сүлжмэл эдлэлийг гогдон хөвөх аюултай байдгийг битгий мартаарай.Сувдан зүүлт, торгон алчуур, арьсан оосортой цаг зэрэг аксессуарыг ноос, ноолууран эдлэлтэй хослуулахад хамгийн тохиромжтой. 

3. БОЛГООМЖТОЙ УГААЖ ХЭВШЭЭРЭЙ

Хүйтэн бүлээн усанд шингэн савангаа хийж хөөсрүүлэн дараа нь сүлжмэл эдлэлээ хийн гараар угааж болно. Хэрвээ танд зориулалтын угаагч шингэн саван байхгүй бол сайн чанарын шампуниар орлуулж болно. Учир нь ноос, ноолуур нь малын үс учраас шампуниар угаахад болохгүй зүйлгүй. Мөн өөр өнгөтэй сүлжмэл эдлэлүүдээ тус тусад нь угааж хэвших хэрэгтэй бөгөөд цайруулагч хэзээ ч ашиглаж болохгүйг бүү мартаарай.

4. УГААЛГЫН ТОР АШИГЛААРАЙ

Сүлжмэл эдлэлийг зөвхөн гараар угаах заалттай байсан бол сүүлийн үеийн угаалгын машинууд ноос, ноолууран эдлэлийн горимтой болсон билээ. Тиймээс мэдээж угаалгын машинд угааж болох ч ингэхдээ ноос, ноолууран хувцсаа угаалгын торонд хийхийг зөвлөж байна. Гэхдээ цэвэр ноолууран хувцсыг болж өгвөл гараар угааж байх нь эдэлгээг уртасгаж өгдөг болохыг мартуузай. 

5. ХЭРХЭН ЗӨВ ХАТААХ ВЭ? 

Угаасны дараа мушгиж огт болохгүйг хамгийн түрүүнд анхааруулъя! Оронд нь илүүдэл усыг зөөлөн базалж шавхаж авсны дараа хатаагч дээр алчуур дэвсээд хэлбэрээр нь дэлгэж тавина. Ингэхдээ сэгсэрч болохгүй бөгөөд нарны шууд тусгал болон халуун үлээгчээс зайдуу дэлгэхийг анхаарна уу.

6. ИНДҮҮДЭХ БОЛ…

Ноос, ноолууран эдлэлд уурын индүү хамгийн тохиромжтой бөгөөд хамгийн дээд талдаа 40 хэм хүртэл халаах боломжтой. Хэрэв танд уурын индүү байхгүй бол хувцсаа бага зэрэг чийгтэй байхад нь чийгтэй алчуур тавьж бүлээн индүүгээр индүүдэж болно.

7. ХЭЗЭЭ ХИМИ ЦЭВЭРЛЭГЭЭНД ӨГӨХ ВЭ?

Хуурай хими цэвэрлэгээг гараар угаагаад арилдаггүй толбо тогтсон үед ашиглах нь зөв сонголт болно. Таны сүлжмэл эдлэл савхин товчтой эсхүл сүлжмэлийн хээ нь онцгой загвартай үед хуурай хими цэвэрлэгээ илүү тохиромжтой байдаг. 

8. БӨӨГНӨРСНИЙГ ХЭРХЭН ЦЭВЭРЛЭХ ВЭ? 

Сүлжмэл эдлэлд тань хэргэлээний явцад үрэлтийн улмаас жижиг шааргин бөмбөлгүүд бий болох нь таны сүлжмэл эдлэл чанар муутай гэсэн үг биш, харин ч эсрэгээрээ цэвэр малын гаралтай гэдгийн баталгаа юм. 

Үрэлтээс үүссэн эдгээр бөмбөлгийг самнаж авахыг санал болгож байна. Алгуурхан хөдөлгөөнөөр шааргилсан бөмблөгүүдийг нэг чигт самнаж цэвэрлэх ба эхний самналтын дараа зааврын дагуу угааж арчилсанаар 2-3 цэвэрлэгээ болон угаалтын дараа бүр мөсөн арилах болно. 

9. ӨЛГӨХГҮЙ, ЭВХЭНЭ

Сүлжмэл ноосон эдлэлийн улирал дуусаж хайртай хувцаснуудаа далд хийхээр шийдсэн бол чийг багатай, нарны шууд тусгалгүй газарт хадгалаарай. Сүлжмэл хувцсаа өлгөж биш эвхэж нь хадгалах нь хэлбэрээ алдахгүй байхад чухал нөлөөтэй. Эвхсэн хувцсаа нимгэн цаасанд ороож эсвэл даавуун уутанд хийж хадгалах нь тохиромжтой юм.

10. ЭРВЭЭХЭЙНЭЭС ХАМГААЛАХ ДҮРЭМ

Хувцсыг шавж хорхойноос хамгаалахах төрөл бүрийн бүтээгдэхүүнүүд бий. Гэхдээ хортон шавжнаас хувцсаа хамгаалах хамгийн энгийн арга бол хураахаасаа өмнө залхууралгүй бүгдийг нь угааж цэвэрлэх юм.

“Нэг л өмссөн юм чинь гайгүй дээ” гэж та бодож магадгүй. Гэхдээ таны биеэс ялгарах тос, үнэртэй ус, элдэв бүтээгдэхүүний үлдэгдэл зэрэг нь эрвээхэйний хувьд төгс хоол болдог. Тэгэхээр хувцсаа угааж, цэвэрлэхгүй далд хийх нь тэдэнд хоолыг нь бэлдэж өгч байгаагаас ялгаагүй гэдгийг бүү мартаарай.

Хайртай хувцас тань таныг үргэлж дулаан байлгаж, он удаан жилийг хамт үдэх болтугай!

The post Ноос, Ноолуурыг Арчлах 10 Зөвлөмж appeared first on Avant.

Хаврын урь хаяанд ирэхтэй зэрэгцээд Avant Clothing Co. цөөн тооны цуглуулгатай шинэ загварууд гаргаж байна. Жакарт болон судалтай сүлжээстэй шинэ загварууд маань 2024 оны трендийг шингээсэн бөгөөд өдөр тутамд төрөл бүрийн төрх бүрдүүлэн өмсөх боломжтой.

Хонхон ханцуйтай цамц

Судалтай сүлжээсээр гаргаж өгсөн хэлбэр нь биеийн галбирыг тодотгож, хонхон хэлбэрт ханцуй нь энэ оны тренд загвар бөгөөд гарыг урт харагдуулна. Өмд, юбка, шорт гээд юутай ч зохицуулан өмсөх боломжтой бөгөөд дулаан учир олон хувцас давхарлалгүйгээр хаврын улиралд өмсөхөд тохиромжтой.

Богино даашинз 

Бүсэлхий, цээжний хэлбэрийг тодотгохуйц ташуу судалтай сүлжээстэй энэхүү даашинз нь таны эмэгтэйлэг байдлыг тодотгох болно. Ноосон хэдий ч нимгэн, хөнгөн учир таныг халууцуулалгүйгээр дулаан, тав тухтай байлгах болно. Энгийн загвартай тул аксессуар, түрийтэй гутал, хүрэм зэргээр баяжуулан өдөр тутмын, гоёлын гээд төрөл бүрийн лүүк бүрдүүлэн өмсөх боломжтой. 

Жакартан хослол

Өргөн ханцуй, доод манжет болон тэгш хэм бүхий хэлбэр нь биеийг цэгцтэй харуулах бөгөөд дангаар нь болон layering буюу хувцсан дээр давхарлаж өмсөх байдлаар өвөрмөц лүүк бүрдүүлэх боломжтой. Жакартан сүлжээстэй учир хэлбэрээ алдаж, амархан үрчийхгүй бөгөөд эдэлгээ даахдаа сайн. Нүд булаам хээ нь элдэв аксессуаргүйгээр таны лүүкийг чимж, онцгой хэв маягийг нэмж өгнө. Хосоор нь болон дангаар нь лүүк бүрдүүлэн өмсөх боломжой.

Урт даашинз 

Хүзүүг урт харагдуулах энгэр, галбирыг тодотгох нэхээстэй уг даашинзыг хаврын улиралд өмсөхөд хамгийн тохиромжтой. Өглөө, оройдоо сэрүүн байдаг “олон ааштай” хаврын өдрүүдэд дангаар нь хүрэм, цувтай өмсөхөд хангалттай. Дулаан явахын тулд олон хувцас давхарлахгүй, халууцвал дангаар нь өмсөхөд тохиромжтой энэхүү загварыг өдөр тутамд, үйл ажиллагаанд, гоёлд зэрэг олон янзаар өмсөх боломжтой.  

Жакартан сүлжээстэй юбка 

Авантын нэрийн хуудас болсон жакартан сүлжээстэй юбка нь өдөрт хэд өөрчлөгддөг хаврын цаг агаарт мөн халаалтгүй оффист өмсөхөд хамгийн тохиромжтой загвар. Жакартан сүлжээс нь хувцсыг зузаан биетэй болгодог учир амархан үрчийж, хэлбэрээ алдахгүй тул бүх л өдрийн турш өөртөө итгэлтэй, төгс харагдахад тань туслах болно. Та өөрийн стильд тохируулан богино болон урт загвараас сонголтоо хийгээрэй. 

Жич: Моделийн өндөр 158 см

The post 5 сард худалдаанд гарах шинэ загварууд appeared first on Avant.

Зураг дээр 2 өөр улаан өнгө байгаа бөгөөд хоёулаа ижил масс өнгөтэй, гэхдээ өөр туяатай байна. Дээд талын улаан өнгө нь улбар шар өнгөтэй, нөгөө нь нил ягаан өнгөтэй мэт харагдаж байна. 1-р өнгө дулаан 2-р өнгө хүйтэн гэж тодорхойлдог. Тэгвэл яаж хуваарилаад байгааг доорх зургаас харна уу.

Хувцаслалт, нүүр будалт, үсний өнгөний хувьд таны сонгож болох хамгийн зөв өнгө нь таныхтай ижил туяатай өнгө юм. Хэрэв таны арьс дулаахан туяатай бол та нүүрээ дулаан өнгөөр ​​будаж, хувцас сонгохдоо эсрэгээр нь өмсвөл илүү сайхан харагдах болно.

NEUTRAL UNDERTONE ямар өнгийн хувцас сонгох вэ?

Хэрэв таны өнгө нь төвийг сахисан бол та дулаан, хүйтэн туяатай аль ч хувцас танд зохино. Азтай юмаа!

Төвийг сахисан туяа: Хар, цагаан, саарал, шаргал, хар хөх зэрэг төвийг сахисан өнгөнүүд нь бүгдтэй зохицдог бөгөөд төвийг сахисан туяатай сайн тохирдог. Эдгээр өнгө нь хувцаслалтын суурь болж өгдөг. Таныг сайхан харагдуулах өнгийг дурдвал:

Байгалийн өнгө: Чидун ногоон, шаргал, тэмээн бор зэрэг шороон туяа нь таны төвийг сахисан өнгөтэй арьсанд дулаан уур амьсгал нэмнэ. Эдгээр өнгийг хувцсыг өмссөнөөр натурал бөгөөд тэнцвэртэй харагдана.

Таны чулуу: Маргад эрдэнийн ногоон, индранил цэнхэр, ягаан, бадмаараг улаан гэх мэт үнэт эрдэнийн өнгө нь төвийг сахисан туяатай арьсанд тохирсон байдаг. Ийм баялаг өнгөнүүд таны хувцаслалтад эрч хүч нэмэх болно.

Пастел: Зөөлөн ягаан, гааны ногоон, нярайн цэнхэр зэрэг зөөлөн өнгөнүүд таны саармаг өнгө аясыг нөхөж, дүр төрхийг тань эмзэг, эмэгтэйлэг харагдуулна.

Аксессуар: Төвийг сахисан туяатай хүнд дулаан, хүйтэн гээд аль аль металл зохидог. Танд алт, мөнгө, сарнайн өнгөтэй алт, хүрэл зэрэг бүх төрлийн гоёл чимэглэл зохих тул хувцаслалтаа гялалзсан, боловсронгуй болгоход хүссэн аксессуараа сонгох боломжтой.

COOL UNDERTONE ямар өнгийн хувцас сонгох вэ?

Хэрэв таны арьс хүйтэн туяатай бол таны өнгө төрхийг тодотгох олон төрлийн өнгө танд бий.

Өнгө: Цэнхэр, нил ягаан, ягаан, ногоон гэх мэт хүйтэн өнгө аястай өнгийг сонгоорой. Улбар шар, шар, хүрэн гэх мэт дулаан өнгөнүүд таны арьсанд тохирохгүй тул зайлсхийхийг зөвлөе .

Төвийг сахисан өнгө: Хүйтэн өнгийг төвийг сахисан өнгөтэй зохицуулах боломжтой. Шаргал, тэмээн бор гэх мэт дулаан өнгөний оронд саарал, хар хөх, нүүрс зэрэг саармаг өнгөний сэрүүн хувилбаруудыг сонго.

Үнэт эдлэл: Мөнгө эсвэл цагаан алтан үнэт эдлэл нь хүйтэн өнгө аясыг тодруулж өгдөг. Эдгээр нь таны арьсны хүйтэн туяаг тодотгож, тун аятайхан харагдуулах болно. Таны өнгө аястай зөрчилдөх талтай тул алтан гоёл чимэглэлээс зайлсхий.

Хувцаслалт: Мөсөн хөх, зөөлөн саарал, эсвэл хүйтэн өнгөт пастел гэх мэт сэрүүн өнгийг сонгоорой. Эдгээр өнгө нь таны өнгө аясыг тодруулж, шинэлэг, сэрүүн уур амьсгалыг өгөх болно.

Нүүр будалт: Нүүр будалтын тухайд сэрүүн өнгөтэй сүүдэр сонгох хэрэгтэй. Суурь болон өө дарагчийн хувьд ягаан эсвэл төвийг сахисан туяатай бүтээгдэхүүнийг сонгоорой. Нүдний будаг, уруулын будгийн тухайд цэнхэр, нил ягаан, ягаан, жимсгэнийн өнгө зэргийг сонгоорой.

WARM UNDERTONE ямар өнгийн хувцас сонгох вэ?

Хэрэв таны арьс дулаан туяатай бол тохирох хувцасны өнгийг сонгосноор байгалийн өнгө төрхөө тодруулж, улам өнгөлөг харагдах боломжтой.

Шороон өнгө: Бор, тэмээн бор, чидун ногоон, гичийн шар, шатсан улбар шар зэрэг дулаан, шороон өнгийг сонгоорой. Эдгээр өнгө нь таны арьсны өнгөний дулааныг илтгэнэ.

Дулаан саармаг: Шаргал, цөцгийн гэх мэт дулаан саармаг өнгө сонгох хэрэгтэй. Эдгээр өнгөнүүд нь таны арьсны өнгийг тодотгох зөөлөн дэвсгэр болж өгнө.

Үнэт чулуу: Хүрэн улаан, маргад ногоон, дулаан нил ягаан зэрэг дулаан өнгө бүхий гүн үнэт эрдэнийг сонгоорой. Эдгээр өнгө нь таны ерөнхий дүр төрхийг эрч хүчтэй харагдуулахад тусалдаг.

Аксессуар: Алт, сарнай алт зэрэг дулаан металлыг сонгоорой. Эдгээр өнгөнүүд нь хүйтэн өнгөт мөнгөнөөс илүү дулаан өнгө аястай байдаг.

Хээ хуар: Дулаан өнгө эсвэл шороон өнгө агуулсан хээ, дүрс танд зохино. Жишээ нь, дулаан өнгөт цэцэг эсвэл дулаан өнгөт дэвсгэртэй амьтны хээ, зурагтай хувцас, хэрэглэл нь маш сайн сонголт байх болно.

Сэрүүн өнгөнөөс зайлсхий: Мөсөн цэнхэр, хүйтэн саарал, мөнгөлөг зэрэг хүйтэн өнгөнөөс зайлсхийхийг хичээ. Эдгээр өнгө нь дулаан туяа бүхий арьстай хүнд таатай биш деталийг нь тодотгодог талтай.

Эцэст нь хэлэхэд дээрх зөвлөгөө нь өнгөний ерөнхий дүрэм бөгөөд хүн бүрийн хувьд харилцан адилгүй тул тухайн хүний онцлогийг тооцсоноор илүү оновчтой болно. Яг өөрт тохирсон өнгө, туяаг мэдэхэд тань өнгөний мэргэжилтэн туслах бөгөөд тэр хүртэл та олон янзын өнгийг туршиж, таны арьсны өнгөнд хэрхэн нийцэж байгааг ажиглаж, өөрт тохирох хослолыг олоорой.

The post Надад ямар өнгө тохирох вэ? appeared first on Avant.

Юуны түрүүнд танд улаан, ногоон, цэнхэр өнгийн хувцас тохирно гэж хэлхээсээ өмнө та ямар өнгийн, ямар өнгө аястай (undertone) бүлэгт хамаарагдах вэ гэдгийг тодорхойлох нь зөв юм. Арьсны өнгөө зөв тодорхойлж чадвал ямар өнгийн хувцас, нүүр будалт, үнэт зүйл таныг илүү өөртөө итгэлтэй эрүүл зөв төрхтэй харагдуулах вэ гэдгээ мэдэхэд илүү хялбар болох юм.

Бид нэгнээ хараад л шар арьстай, бор арьстай эсхүл цагаан арьстай хүн байна гээд тодорхойлоход амархан байдаг. Бидний Монголчууд ихэнхдээ цагаан, шар, бор арьстай байдаг ба цаг агаарын эрс тэрс уур амьсгалтай холбоотой зарим нь бүр “харласан” байдаг. Тэгвэл зөвхөн нүдэнд үзэгдэж буй арьсны өнгөөр тухайн хүний арьсны өнгийг тодорхойлдоггүй юм байна.

Хүний арьсны доод өнгө (undertone) зөв тодорхойлон тухайн хүнд тохирох өнгийг зөвлөж байдаг загварын салбарынхан болон хувийн стилистүүд загварын салбарт томоохон байр суурь эзэлдэг.

Тэгвэл Undertone гэж юу вэ? Undertone нь арьсны өнгөн доорх байгалийн өнгө юм. Арьсны өнгө нь таны арьсны өнгийг илэрхийлдэг бол доод өнгө нь тухайн өнгөний доторх сүүдрийг илэрхийлдэг. Дулаан (warm), хүйтэн (cool), төвийг (neutral) сахисан гэсэн гурван төрлийн доод өнгө байдаг. Нэг төрлийн арьстай хүмүүсийн өнгө нь маш өөр байж болно.

Хэрхэн яаж арьсны өнгөө тодорхойлох вэ?

Undertone тодорхойлоход хамгийн шалгарсан арга бол судасны өнгө юм. Та гэрэл сайтай газар очин гарынхаа шуу хэсгийн дотор талын судсаа харахад л ямар байгалийн өнгийн арьстайгаа тодорхойлж болох юм.

Хэрэв таны судас хөх болон нил ягаан өнгөтэй харагдаж байвал та хүйтэн туяатай арьстай бол таны судас ногоорч эсвэл чидүүн жимс шиг өнгөтэй байвал та дулаан туяатай арьстай юм.

Хүйтэн туяатай арьстай хүнийг тодорхойлох нь:

• Арьс нь цайвар шаргал өнгөтэй, саарал өнгөтэй эсвэл цайвар шаазан
• Нүдний өнгө нь ихэвчлэн хөх эсвэл саарал-цэнхэр байдаг
• Үс нь үнслэг сүүдэртэй үс нь дулаан өнгөгүй, улаавтар, улаавтар өнгөний хольцгүй, эсвэл эсрэгээр хар, хүйтэн хүрэн хүрэн өнгөтэй

Дулаан туяатай арьстай хүнийг тодорхойлох нь:

• Арьс нь тоор эсвэл алтан шаргал арьс, ихэвчлэн сэвхтэй
• Нүдний өнгө нь алтан туяа эсвэл гүн ногоон өнгө эсвэл хүрэн өнгөтэй
• Үс нь улаан буудай, зөгийн балын сүүдэртэй, улаавтар эсвэл улаан хүрэн өнгөтэй

Дундаж буюу төвийг сахисан туяатай арьсны өнгөтэй хүмүүс ихэвчлэн цэнхэр ногоон холиолдсон мэт өнгийн судастай харагддаг. Ийм төрлийн арьсны өнгөтэй хүмүүс сугалаанд хожсон мэт азтай байдаг. Учир нь тэдэнд бусдаас олон өнгө сайхан харагддаг.

Дундаж туяатай арьстай хүнийг тодорхойлох нь:

• Арьс нь цайвар туяатай азиуд элбэг
• Нүдний өнгө нь хүрэн бор
• Үс нь бор, хар өнгөтэй байх нь элбэг

2-р тест хийх арга:

Танд цагаан хуудас хэрэгтэй болно. Цагаан цаасыг нүүрэндээ авчир. Хэрэв цагаан хуудасны арын дэвсгэр дээр таны арьс ягаан, хөхөвтөр, цайвар ягаан мэт санагдаж байвал та хүйтэн өнгөнд хамаарна. Хэрэв арьс нь шаргал өнгөтэй, хүрэн, алтан шаргал өнгөтэй, тоор шиг байвал та өөрийгөө дулаан гэж ангилж болно.

Дараагийн блогоороо таныг ямар өнгө илүү тодотгож сайхан харагдуулах талаар дурдах болно. Хэрэв та дэлгэрэнгүй мэдээлэл авахыг хүсвэл интернэтээс хайж үзэж яагаад болохгүй гэж….

Мэдээлэлийн үүсвэр холбоосууд:

https://www.sensationalcolor.com/understanding-undertones/

https://www.goodhousekeeping.com/uk/beauty/skincare/a559931/skin-tone-colour-undertones-cool-warm-neutral/

The post Арьсны өнгөө зөв тодорхойлох нь таны хувцаслалтад чухал уу? appeared first on Avant.

Тогтвортой, байгальд ээлтэй хувцасны сонголтуудын эрэлт нэмэгдэж байгаа нь хулсан хөвөнгийн үйлдвэрлэлийг хөгжүүлэхэд хүргэж байгаа билээ. Энэхүү өсөлт нь Хятад, Энэтхэг, Вьетнам зэрэг хулс мод тарьж, даавуу үйлдвэрлэдэг орнуудын тариаланчид, үйлдвэрлэгчдэд эдийн засгийн боломж томоохон боломж олгож байна.

Хулсан нэхмэлийн дэлхийн зах зээлийн хэмжээ 2020 онд 10.9 тэрбум ам.доллараар үнэлэгдсэн бөгөөд 2027 он гэхэд 25.2 тэрбум ам.долларт хүрч, урьдчилсан хугацаанд CAGR 12.9 хувиар өсөх төлөвтэй байна. Бид ч гэсэн Дэлхийн чиг хандлагыг даган хулсан даавуугаар хийсэн утсыг сонгон ашигдаж байна.

Бид энэ удаагын нийтлэлээрээ хулснаас гаргаж авсан даавуун хувцасны тухай 10 сонирхолтой баримт хүргэж байна.

1. Хулсан хөвөн даавуу нь хулс болон хөвөнгийн утаснуудын холимогоор хийгдсэн даавууны төрөл юм.
2. Хулсан хөвөн даавуу нь зөөлөн, хөнгөн, амьсгалдаг гэдгээрээ алдартай.
3. Хулсыг боловсруулахад хөвөнгөөс бага ус, пестицид бага шаарддаг бөгөөд хурдацтай хөгжиж буй, нөхөн сэргээгдэх нөөц юм.

4.Хулсан ширхэгүүд нь байгалийн нян, мөөгөнцөр, статикийн эсрэг үйлчилгээтэй тул хулсны хөвөн даавуу нь байгалийн гаралтай үнэр, хөгц, бактерид тэсвэртэй юм.

5. Хулсан хөвөн даавуу нь чийг шингээх шинж чанартай тул өмссөн хүнийг сэрүүн, хуурай байлгахад тусалдаг.

6. Хулсан даавуун хувцас нь харшил үүсгэдэггүй, арьсанд зөөлөн байдаг тул эмзэг арьстай хүмүүст тохиромжтой.

7. Хулсан даавуун хувцасыг арчлахад хялбар бөгөөд машинд угааж, хатааж болно.

8. Хулсан даавуун хувцас нь удаан эдэлгээтэй тул хувцасны шүүгээнд маш сайн хөрөнгө оруулалт болно.

9. Хулсан хөвөн нь подволк, даашинз, леггинс гэх мэт олон төрлийн хувцас үйлдвэрлэхэд ашиглаж болдог.

10. Хулсан даавуун хувцас нь өндөр чанартай хувцас бөгөөд удаан эдэлгээтэй байхын зэрэгцээ байгаль орчинд үзүүлэх сөрөг нөлөөллийг бууруулахыг хүсдэг хэрэглэгчдийн хувьд тогтвортой, байгальд ээлтэй сонголт юм.

The post Хулсан даавуун хувцасны тухай 10 баримт appeared first on Avant.

2022 оны онцлох зүйлүүдээсээ хуваалцаач?

Өнгөрсөн жил бид нар Зулаа найзтайгаа хамтраад Happy Zet Clinic гэдэг нэртэй хүүхэд, өсвөр үеийнхэний цогц клиник нээсэн байгаа. Бидний хамгийн гол зорилгуудын маань нэг бол бидний хойш ирээдүй болсон хүүхдүүдийн маань эрүүл мэндэд сөргөөр нөлөөлөөд байгаа эрсдэлүүдийг бууруулах, эерэгээр нөлөөлөх хамгаалах хүчин зүйлсийг нэмэгдүүлэхэд чиглэж, илүү эрүүл насанд хүрэгч болоход нь туслах билээ.

Үүнтэй холбоотой хүүхэд, өсвөр үе болон залуусын хорт зуршлын чиглэлээр судалгааны ажил хийж эхэлсэн мөн сонирхолтой бөгөөд томоохон судалгааны ажилд нэгдэж орсон байгаа. Энэ нь хүүхдийн цусан дах хорт металлын судалгаа юм.

Хүүхдийн цусан дах хорт металлын судалгаа гэж сонсож байгаагүй юм байнаа, энэ талаар дэлгэрүүлвэл? 

Дэлхийн хөгжилтэй орнуудын туршилгаар хүүхдийн цусны биомониторингийн шинжилгээ ялангуяа бага насны хүүхдэд өсөлт, хөгжил эрчимтэй явагдаж байх үед нь хийгддэг. Ингэснээр хүний эрүүл мэндэд хортой нөлөөтэй аливаа бодисын өртөлтийг эрт хугацаанд илрүүлэх, таслан зогсоох, цаашдын архаг хордолт, хүндрэлээс сэргийлэх зэрэг олон талын ач холбогдолтой байдаг юм байна.

Орчин болон хөдөлмөрийн эрүүл мэндийн чиглэлээр мэргэжлийн үйл ажиллагаа явуулдаг Health solutions байгууллага, орчны эрүүл мэнд, хор судлалын лабораторын эрхлэгч Д.Нарансүх доктор санаачлан тэдний байгууллага дээр бага насны хүүхдийн цусан дахь хорт металлын судалгаа эхлээд явж байгаа. Цаашдаа энэ судалгаа бусад хөгжилтэй орны туршилгаар хүүхдийн цусны биомониторинг болон өргөжих алсын хараатай, судалгаа юм байна лээ. 

Агаарын бохирдол зөвхөн УБ хотын асуудал биш, хөдөө орон нутгийн суурин газруудад орчны эрүүл мэндийн маш том асуудал болоод байгаа. Монгол хүүхдүүд, ялангуяа хот суурин газар амьдарч байгаа хүүхдүүдийн хувьд агаарын бохирдолд өртөлт нь эрүүл мэндийн тэгш бус байдлыг бий болгож, эрүүл, аюулгүй орчинд амьдрах гэсэн хүний суурь эрх ноцтойгоор зөрчигдөх болоод нилээд хугацаа өнгөрчээ.

Агаарын бохирдол нь бидэнд анзаарагдаж байгаа амьсгалын замын өвчлөлийг үүсгэхээс гадна бидний огт анзаараагүй хорт металлын хордлого үүсгэх эрсдэлтэй юм байна. Бидний хийж буй энэ  судалгаа нь бага насны хүүхдийн цусан дахь хорт металлын өртөлтийг гадна болон доторх агаарын бохирдолтой уялдуулан судлах зорилготой. Би энэ судалгааны багт сургуулиа, эмнэлгээ төлөөлөөд судлаачаар оролцох завшаан тохиолдсон. Хувь хүний хувьд ч тэр, эмнэлгийн маань зорилго чиглэлтэй ч тэр нийцэж байгаа болохоор энэ багт ажиллаж байгаадаа баяртай байгаа.

Хүүхдийн цусан дах хорт металлыг хэмжихдээ ямар арга техникээр хэмждэг вэ?

Манай эцэг эхчүүд хүүхдийн цусан дахь хорт металлын хордлогын шинжилгээг хийлгэхийн тулд гадаад явдаг эсхүл хүүхдийнхээ үс эсвэл цусыг гадаадруу явуулж шинжлүүлдэг байсан. Харин орчны эрүүл мэнд, хор судлалын лаборатори цусан дахь хорт металл болон микро элементийг илрүүлж, судлах өндөр хүчин чадалтай лабораторийг Монголд оруулж ирэн ажиллуулж байгаа.

Энэ нь хар туглага, цагаан туглага, берилли хөнгөн цагаан, никель гэх мэт 14 төрлийн хортой металлыг нарийвчилсан шинжилгээгээр тодорхойлно гэсэн үг. Энэ хорт металлуудаар хүүхдүүд бага наснаас эхлэн удаан хугацаанд хордвол сэтгэн бодох чадвар, ой тогтоолт, оюуны хөгжил, IQ-д муугаар нөлөөлдөг байна.

Хорт металл хаанаас яаж үүсээд байна вэ? Урьдчилан сэргийдэх эсхүл эмчилгээ байдаг уу?

Архаг хэлбэрийн хордлогоос сэргийлэх, цусан дахь хордлогийг тайлах, эх сурвалжийг олж тогтоох, арилгах боломжтой. Энэ шинжилгээ мөн манай эмнэлгээр дамжин олон нийтэд нээлттэй хийгдэж байгаа. Зөвлөгөө, мэдээлэл авах, өртөлтийг тодорхойлуулах бүрэн боломжтой шүү.

Миний хувьд энэ судалгааны ажилд хүүхдүүд маань хорт металлын хордлогод өртөөд байгаа юм биш биздээ гэсэн томоохон асуултанд хариу өгч байгаа учир энэ судалгаанд орж ажиллаж байна.  

Авантын хэрэглэгчийн хувьд таны сэтгэгдэл? 

Авантад дуртай. Өвөл зунгүй өмсдөг. Одоо ч өмссөн байнаа. Концепц буюу ерөнхий агууллага нь таалагддаг.  Загварын болон арт мэдрэмж маш сайтай найз маань хийдэг. 

The post М.Ундрам: Агаарын бохирдлоос үүдэлтэй үүссэн цусан дахь хорт металл бидний анхаарах сэдэв. appeared first on Avant.

“Гоё юм хийнэ” гээд хог хаягдалаа элдэв тоос чийгнээс хамгаалан зургаан жилийн турш нандин эрдэнэ мэт хадгалжээ. Үйлдвэрийн агуулахын буланд хэзээ нэгэн өдөр бүтээл болох ээлжээ мөн ч их тэвчээртэй хүлээсэн дээ. Магадгүй таатай цаг үе, нөхцөл байдлыг хүлээж байсан биз. Гурван жилийн өмнөөс цуглуулсан xаягдал минь эхлэн хашгирч эхлэх нь тэр.

Юу гэсэн гээч?

Уутан дотроос “Бидний цаг нь болсон, биднийг хорвоод таниулаач” гэж хашгирч гарлаа.

Нэлээд хэдэн өдөр бодсоны эцэст энэ бүх үйлдвэрийн хаягдал утсыг яагаад хадгалж эхэлснээ саналаа. Түүхий эдээс эхлэн бэлэн бүтээгдэхүүн болох хүртлээ урт удаан замыг туулахдаа энэ утаснууд олон хүний хөдөлмөр, хайрыг шингээн үнэ цэнийг бий болгон бидэнд хүрдэг билээ. Тиймээс миний хог хаягдал гэж нэрлээд буй энэ утаснууд үнэндээ хог хаягдал биш юм.

Ингээд л дизайнер болон уран бүтээлчидтэй уулзаж хаягдлынхаа захиаг дамжуулсан юм. Нээх ч шальтай газар авсангүй. Над шиг энэ хаягдлын үнэ цэнийг ухаж эрдэнэ гэж харах хүн ч ховор л доо.Уг нь хог хаягдлаар хийсэн бүтээгдэхүүн эсвэл бүтээлүүд дэлхийн хөгжлийг тодорхойлогч томоохон улсуудын хэрэглэгчдийн анхаарлын төвд байдаг. Бид бол хог хаягдал байх ёстой хэмжээнээсээ хэтэрсэн эринд амьдарч буй хүмүүс. Тийм ч учраас дахин боловсруулсан бүтээгдэхүүн ямар үнэ цэнтэйг та бүхэн мэдэх биз ээ. /үгүй бол Google-ээс сонирхоод үзээрэй/ Ингээд бүтээлийн гол концепци болох “Хоггүй Дэлхий” тэртээх 6 жилийн өмнөөс бий болж өнөөдөр үггүйгээр өөрийгөө илэрхийлэх урлаг үйлдэх авай.

Энэ бүтээлийг хийх явц болоод ашигласан техник тийм ч хэцүү байгаагүй. Гол санаа, гоо зүйн тест, өнгөний уран найруулга гээд бүхэлдээ мэдрэмжүүдийн нийлбэр. Бүтээл хийх явцын мэдрэмж яг л бясалгаж буй мэт байв. Яг л байгальтай ямар нэгэн харагдахгүй холбоосоор холбогдсон мэт. Учир нь ноос ноолууран түүхий эд өөрөө амьд материал юм. 

Бид энэ бүтээлээрээ дэлхийн хог хаягдлын талаарх шүүмжлэлт хандлагаа илэрхийлэхийн зэрэгцээ хүмүүсийг тогтвортой хөгжлийг эрхэмлэдэг брэндүүдийг дэмжихийг уриалж байгаа билээ. Энэ нь манай гаригийн тогтвортой ирээдүйг бий болгох чухал алхам гэж бид үзэж байна. Тогтвортой загварын брэндүүдийг дэмжсэнээр бид үйлдвэрлэсэн хог хаягдлын хэмжээг бууруулж, байгаль орчныг хамгаалахад тусалж чадна. Энэхүү арт инсталляци нь тогтвортой загварын ач холбогдлын талаарх ойлголтыг түгээж, хүмүүсийг хувцас загварын сонголтоо хийхдээ илүү ухамсартай шийдвэр гаргахад түлхэц болно гэж найдаж байна.

Авантын дизайнерын “албанд” 20 орчим дизайнераас шалгарсан Намуунтуяа маань уг бүтээл дээр хамтран ажиллaсан бөгөөд ноос ноолуурын хаягдлаар бүтээл хийх санааг минь баяртайгаар дэмжин мэдрэмж, ур ухаанаа шингээж хамтдаа бүтээсэн юм. Тэрээр Авантын SS/2023 (2023 намар/зун) цуглуулга загварууд дээр ажиллаж байгаа бөгөөд энэхүү бүтээлээс түүний уран яруу мэдрэмжийг уншиж болох юм. Цуглуулга маань ирэх жилийн хоёрдугаар сард худалдаанд гарах төлөвтэй байна.

The post Хаягдлаар хийсэн бүтээл юу өгүүлнэ вэ? appeared first on Avant.

Энэ асуултын хариу харамсалтай нь энгийн биш. Учир нь энэ олон брэнд бүгд өөр өөр улсаас гаралтай бөгөөд үүнийгээ дагаад тухайн улс үндэстний бие физиологийн онцлогт тохирсон хэмжээтэй байх нь түгээмэл. Тиймээс брэнд бүр өөрийн гэсэн хэмжээний хүснэгттэй байдаг гэхэд хилсдэхгүй. 

Авантын хувьд анхнаасаа монгол хүний биеийн онцлогт нийцүүлж бүтээсэн тул дээрх асуултад хариулахад харьцангуй амар. Үйлчлүүлэгчдээс маань ирдэг хамгийн түгээмэл асуулт бол “Тэдэн см өндөр, тэдэн кг жинтэй хүнд аль размер нь таарах вэ?”. Тэгвэл та бүхэнд сонголтоо хийхэд амар болгох үүднээс Авантын хэмжээний хүснэгтийг хуваалцаж байна. 

Ерөнхий размер

ХАРАНДААН ЮБКА

Хэмжээ /см/	S/M	M/L
өргөн /см/	46	48
урт /см/	68	70
онооны өндөр /см/	15.5	15.5

ДУНД ХҮРЭМ

Хэмжээ /см/	S/M	M/L
Мөрний өргөн /см/	46	48
Цээжний урт /см/	68	70
Ханцуйн урт /см/	62	62

БОГИНО ХҮРЭМ

Хэмжээ /см/	S/M	M/L
Мөрний өргөн /см/	37	41
Цээжний урт /см/	50	52
Ханцуйн урт /см/	58	60

БОГИНО ЖАКАРТ КАРДИГАН

Хэмжээ /см/	S/M	M/L
Мөрний өргөн /см/	37	38
Цээжний урт /см/	59	61
Ханцуйн урт /см/	59	60

ЖАКАРТАН КАРДИГАН

Хэмжээ /см/	Free size
Мөрний өргөн /см/	68
Цээжний урт /см/	72
Ханцуйн урт /см/	21
Хүзүүнээс гарын бугуй хүртлэх урт	57

Хэдийгээр Авантын загварууд S/M, M/L гэсэн үндсэн хоёр л размертай ч хэрэв танд илүү жижиг эсвэл илүү том размер хэрэгтэй бол хэмжээгээ өгөөд захиалгаар хийлгэх боломжтой шүү.  

Best selling Products

The post Ямар размер танд таарахыг яаж мэдэх вэ? appeared first on Avant.

Судалгаагаар дэлхий дээр секунд тутам нэг ачааны машин даавууны хаягдал бий болдгийг Их Британийн Ellen MacArthur сан тогтоожээ. Мөн хувцас, гутал үйлдвэрлэлийн салбар уур амьсгалын өөрчлөлтөд агаарын тээвэр, далайн тээврийн салбараас илүү их нөлөөлж буйг тогтвортой шийдлийн зөвлөх үйлчилгээний Quantis компани 2018 оны судалгаандаа онцолжээ. 

Тэгвэл өөр сонголт юу байна вэ? Чанар, тогтвортой байдлыг эрхэмлэдэг үндэсний брэндүүд. Тэднийг сонгох олон шалтгаан бий.  

Өвөрмөц загвар

Олон мянгаар нь үйлдвэрлэдэг улиг болсон загвар уу эсвэл өөрийн гэсэн хэв маяг, консепттой брэндийн цөөн тоогоор үйлдвэрлэдэг загвар уу? Хамгийн муугаар бодоод үзэхэд ямар нэгэн асуудал гарлаа гэхэд та хаа байсан өөр улсад төлөөлөгч нь суудаг брэндэд гомдол гаргаад, маргалдлаа гээд нэмэргүй. Харин энд байгаа хүмүүстэй бол шууд холбогдоод асуудлаа шийдүүлэх боломжтой шүү дээ. 

Өрхийн орлого

Нэг жижиг үйлдвэрт 5-10 ажилтантай гэж үзвэл хүн бүрийн цаана  нэг айл бий. Тэгэхээр та дор хаяж 5-10 өрхийг орлоготой байхад хувь нэмрээ оруулж байна гэсэн үг. 

Үндэсний үйлдвэрлэл

Дотооддоо өдөр тутмын хэрэгцээт бүхнээ үйлдвэрлэдэг болчихвол гэсэн бодол хүн бүрд л төрдөг байх. Тэгвэл тэр бүхний эхлэл хэдийн тавигдсан байгаа. Гол нь тэднийг дэмжиж, асуудал байгаа бол хэлж алдаа дутагдлаа засаж илүү сайжрахад нь тусалж байх нь үйлдвэрлэл хөгжихийн үндэс юм. Ийм хандлагаараа “Үйлдвэрлэл Монголд хөгжихийн төлөө” гэдэг хөдөлгөөн байж яагаад болохгүй гэж? 

Тогтвортой хөгжил

Томоохон үйлдвэрүүд, сүлжээ дэлгүүрүүдийг бодвол жижиг бизнесүүдийн зарцуулж буй нөөц, түүхий эд, ялгаруулж буй хаягдал зэрэг байгальд үлдээх ул мөр нь бага байдаг. Тогтвортой үйлдвэрлэлийн дадлыг нэвтрүүлсэн үйлдвэр бол бүр ч сайн. Тиймээс тэднийг сонгох нь байгаль дэлхийгээ хамгаалахад таны оруулж буй том хувь нэмэр болох болно. 

Ингээд бодвол таны сонголт хэчнээн хүний амьдралд эерэг өөрчлөлтийг авчирдаг болох нь харагдаж байгаа биз?

Best selling Products

The post Яагаад H&M, Zara биш гэж? /Slow VS Fast Fashion/ appeared first on Avant.