New Collections Archives - Avant

5 сард худалдаанд гарах шинэ загварууд

Avant Mongolia — Fri, 12 Apr 2024 04:27:38 +0000

Хаврын урь хаяанд ирэхтэй зэрэгцээд Avant Clothing Co. цөөн тооны цуглуулгатай шинэ загварууд гаргаж байна. Жакарт болон судалтай сүлжээстэй шинэ загварууд маань 2024 оны трендийг шингээсэн бөгөөд өдөр тутамд төрөл бүрийн төрх бүрдүүлэн өмсөх боломжтой.

Хонхон ханцуйтай цамц

Судалтай сүлжээсээр гаргаж өгсөн хэлбэр нь биеийн галбирыг тодотгож, хонхон хэлбэрт ханцуй нь энэ оны тренд загвар бөгөөд гарыг урт харагдуулна. Өмд, юбка, шорт гээд юутай ч зохицуулан өмсөх боломжтой бөгөөд дулаан учир олон хувцас давхарлалгүйгээр хаврын улиралд өмсөхөд тохиромжтой.

Богино даашинз

Бүсэлхий, цээжний хэлбэрийг тодотгохуйц ташуу судалтай сүлжээстэй энэхүү даашинз нь таны эмэгтэйлэг байдлыг тодотгох болно. Ноосон хэдий ч нимгэн, хөнгөн учир таныг халууцуулалгүйгээр дулаан, тав тухтай байлгах болно. Энгийн загвартай тул аксессуар, түрийтэй гутал, хүрэм зэргээр баяжуулан өдөр тутмын, гоёлын гээд төрөл бүрийн лүүк бүрдүүлэн өмсөх боломжтой.

Жакартан хослол

Өргөн ханцуй, доод манжет болон тэгш хэм бүхий хэлбэр нь биеийг цэгцтэй харуулах бөгөөд дангаар нь болон layering буюу хувцсан дээр давхарлаж өмсөх байдлаар өвөрмөц лүүк бүрдүүлэх боломжтой. Жакартан сүлжээстэй учир хэлбэрээ алдаж, амархан үрчийхгүй бөгөөд эдэлгээ даахдаа сайн. Нүд булаам хээ нь элдэв аксессуаргүйгээр таны лүүкийг чимж, онцгой хэв маягийг нэмж өгнө. Хосоор нь болон дангаар нь лүүк бүрдүүлэн өмсөх боломжой.

Урт даашинз

Хүзүүг урт харагдуулах энгэр, галбирыг тодотгох нэхээстэй уг даашинзыг хаврын улиралд өмсөхөд хамгийн тохиромжтой. Өглөө, оройдоо сэрүүн байдаг “олон ааштай” хаврын өдрүүдэд дангаар нь хүрэм, цувтай өмсөхөд хангалттай. Дулаан явахын тулд олон хувцас давхарлахгүй, халууцвал дангаар нь өмсөхөд тохиромжтой энэхүү загварыг өдөр тутамд, үйл ажиллагаанд, гоёлд зэрэг олон янзаар өмсөх боломжтой.

Жакартан сүлжээстэй юбка

Авантын нэрийн хуудас болсон жакартан сүлжээстэй юбка нь өдөрт хэд өөрчлөгддөг хаврын цаг агаарт мөн халаалтгүй оффист өмсөхөд хамгийн тохиромжтой загвар. Жакартан сүлжээс нь хувцсыг зузаан биетэй болгодог учир амархан үрчийж, хэлбэрээ алдахгүй тул бүх л өдрийн турш өөртөө итгэлтэй, төгс харагдахад тань туслах болно. Та өөрийн стильд тохируулан богино болон урт загвараас сонголтоо хийгээрэй.

Жич: Моделийн өндөр 158 см

The post 5 сард худалдаанд гарах шинэ загварууд appeared first on Avant.

Нандин дурсамжийн биелэл буюу судалтай ретуз бүтсэн түүх

Avant Mongolia — Mon, 16 Sep 2019 03:42:47 +0000

Эргээд бодоход сэтгэлд хамгийн нандин дурсамжууд хүүхэд насных байдаг. Тэр үеийн юм бүхэн юутай ч харьцуулшгүй үнэ цэнтэй. Хэдхэн долоо хоногийн өмнө юу идсэнээ санадаггүй хэрнээ олон жилийн өмнө хүүхэд байхдаа хэнтэй, юу хийж, юу мэдэрч байснаа тодхон санадаг нь сонирхолтой. Амт, үнэр, өнгө гээд бусдаасаа онцгой тэр л дурсамжуудыг үгүйлэн санагалзаж, дахиад нэг удаа ч болов мэдрэх хүсэл эрхгүй төрнө. Сэтгэлд дотно тэдгээр дурсамжийг дахин амилуулдаг увдистнуудын нэг бол хувцас.

Багадаа өмсөх дуртай байсан хувцсаа дүрсэл гэвэл шууд л санаанд тань орж ирж байгаа биз? Өнгө, материал, тэр өдрийн дурсамж гээд нарийн деталийг нь саяхан харсан мэт дүрсэлж чадах биз ээ. Тийм нэгэн хувцастай холбоотой нандин дурсамж надад ч бас бий. Аавыгаа дагаж дэлгүүр гарчихаад ирэхдээ авхуулж байсан энэ зурагнаас Avant-ын анхны бүтээгдэхүүний санаа төрсөн юм. Бяцхан Туулын өмссөн энэ өмднөөс санаа авч анхны өмдөө бүтээх мөчид хүүхэд насны минь нандин дурсамж дахин амилах мэт санагдаж билээ. Ийнхүү Avant-ын хамгийн эрэлттэй бүтээгдэхүүн болсон судалтай ретуз мэндэлсэн түүхтэй.

Од бүтээгдэхүүн болсон нь

Тэр үеэс хойш нярайн, хүүхдийн, эрэгтэй, эмэгтэй хувцас, дагалдах хэрэгсэл гээд олон амжилттай бүтээгдэхүүн гарсан ч тэрбээр Аvant-ын “од” статусаа хадгалсан хэвээр. Арчилгаа өндөртэй, нас богинотой, эдэлгээ даадаггүй нь ноос, ноолууран хувцасны “гэм биш зан” гэхэд хилсдэхгүй. Харин судалтай ретузыг угаалгын машинд угаах боломжтойгоос гадна сунаж, хэлбэрээ алддаггүй бөгөөд доод нугалаа нь 4.5 см тул хүүхэд тань өссөн ч 2-3 жил өмсөх боломжтой гээд хүүхдийн хувцасны бүхий л бодит хэрэгцээг хангана.

Онцгой энэ бүтээгдэхүүний бүтэх үйл явц ч мөн хайраар дүүрэн. Тооны хэлээр бол нэг судалтай ретузыг 5 монгол ээж, 6 шат дамжлагаар, 180 минутын хугацаанд бүтээдэг. Ямар хувцас хүүхдийг дулаан бөгөөд тухтай байлгадгийг бүтээгчид нь сайн мэдэх тул түүнийг хүүхэддээ зориулдаг сэтгэлээ шингээн урладаг. Хүүхэд насны дурсамж, эх хүний сэтгэлээр хөглөгдөн бүтдэг түүнд хайр нэвт шингэсэн байх нь гарцаагүй.

Ирээдүйн хүн төрөлхтөний сайхан амьдралын үндэс нь тогтвортой хөгжил буюу байгальд ээлтэй амьдралын хэв маяг болохыг улам бүр ухамсарлах болсон энэ үеийн хэрэгцээг ч тэр хангадаг. Цэвэр монгол ноосоор бүтээсэн учир өмсөж буй эзэндээ болон байгальд ээлтэй түүнийг эх дэлхий, ирээдүй хойч үеэ хайрладаг хэн бүхэн итгэлтэйгээр сонгодог.

Бүтээгдэхүүнтэй доорх холбоосоор танилцана уу.

СУДАЛТАЙ РЭТУЗ

₮ 59,880.00 – ₮ 85,080.00

ноос 60% акрилк 40% биеийн хэмжээгээр чөлөөтөй сунана 2 давхар утсаар сүлжсэн

Color	Beige Dark beige Black Read More About Color No description No description No description
Size	0-1Y 1-2Y 2-3Y 3-4Y 4-5Y 5-6Y 6-7Y 7-8Y 8-9Y 9-10Y 11-12Y 13-14Y Read More About Size No description No description No description No description No description No description No description No description No description No description No description No description

1,000 хүртэлх урамшууллын оноог бэлгэнд аваарай.

Do you feel this product is perfect for a friend or a loved one? You can buy a gift card for this item! Gift this product

Category: Ретуз, Хүүхэд

Tags: Cashmere, Kid, Kids, Legging

The post Нандин дурсамжийн биелэл буюу судалтай ретуз бүтсэн түүх appeared first on Avant.