Гарын авлага
Ноолуурын арчилгаа
Зөв угааж, хатааж, хадгалснаар ноолууран бүтээгдэхүүн олон жил хэлбэр, зөөлөн чанараа хадгална.
01
Угаалга
Угаахаас өмнө ноос ноолуураа тусгай самаар нэг чиглэлд зөөлөн самнаж, гадаргуу дээрх шааригийг цэвэрлэнэ.
02
Температур
Гараар угаах бол 30°С хүртэл хэмийн усанд зөөлөн угаах. Машинд угаах бол wool/silk program горимоор 30°С-ээс хэтрүүлэхгүй угаана.
03
Угаалгын бодис
Цайруулагч болон хүчтэй угаалгын нунтаг хэрэглэхгүй. Ноолууран бүтээгдэхүүнд тусгай зориулалтын угаалгын шингэн (wool detergent) хэрэглэхийг зөвлөж байна.
04
Хатаалт
Угаасны дараа мушгиж шахахгүй, усыг зөөлөн шахаж гаргаад хэвтээ байрлалд хатаах. Хатаагчинд хийхийг хориглоно.
05
Индүүдэх
Индүүдэх шаардлагатай бол бага зэргийн уураар зөөлөн индүүдэх.
06
Өмсөх заавар
Ноос, ноолууран хувцсыг хоёр хоногоос дээш дарааллан өмсөхгүй байх, ингэснээр ширхэгтийн уян хатан чанар сэргэж, хувцас хэлбэрээ сайн хадгална.
Улирал тутмын арчилгаа
Хавар
Цэвэрлэх
Өвлийн бүтээгдэхүүнийг угааж, хатааж хадгална
Зун
Хадгалах
Агаар нэвтрэх даавуун уутанд хадгалах, хуванцар уутанд хийхээс зайлсхий
Намар
Бэлдэх
Хадгалсан бүтээгдэхүүнийг гаргаж, уураар сэргээх
Өвөл
Өмсөх
2-3 өдрийн завсарлагатай ээлжлэн өмсөх
Түгээмэл асуулт
Угаалгын машинд хийж болох уу?
Зөвхөн wool/silk program горимоор 30°С-ээс хэтрүүлэхгүй угааж болно. Гараар угаах нь хамгийн найдвартай.
Хэр давтамжтай угаах вэ?
Шаардлагатай үед л угаана. Ихэвчлэн 3-4 удаа өмссөний дараа. Ноолуур нь өөрөө цэвэрлэгдэх чанартай.
Үсэрхэг яагаад гарах вэ?
Эхний 2–3 угаалтын үед бүтээгдэхүүнээс бага зэрэг үс гарах, шаариглах (pilling) үүсэх нь байгалийн үзэгдэл юм. Энэ нь ширхэгт үснүүдийн илүүдэл хэсэг байж, 2–3 удаагийн угаалтын дараа аажмаар алга болж хувцас илүү зөөлөн, тогтвортой бүтэцтэй болдог.
Хэт их үрэлттэй нөхцөлд яах вэ?
Машины суудал, цүнх, бүс, үүргэвч, бариул гэх мэт үрэлттэй нөхцөлд өмсөхөөс зайлсхийх, ингэснээр ширхэгтийн эвдрэл, бөөсрөлтөөс хамгаална.
Нэмэлт зөвлөгөө
01
Хадгалалт
Өлгүүрт өлгөхгүй, хэвтээ байрлалд эвхэж хадгалах. Ингэснээр хувцас сунаж хэлбэрээ алдахгүй.
02
Хими цэвэрлэгээ
Шаардлагатай үед мэргэжлийн хими цэвэрлэгээнд өгөх нь найдвартай сонголт.
03
Хадгалах уут
Агаар нэвтрэх даавуун уутанд хадгалах. Хуванцар уутанд хийхээс зайлсхийх, чийг хуримтлагдаж муудна.
04
Эрвээхэйнээс хамгаалах
Лаванд цэцэг, хуш мод зэрэг байгалийн гаралтай эрвээхэй үргээгч хэрэглэхийг зөвлөж байна. Химийн бодис хэрэглэхээс аль болох зайлсхийх нь зүйтэй.
