Хүч хөдөлмөр, цаг хугацаа ихээр шаарддаг тул хээ угалзтай, гоёмсог даавууг 19-р зууны эх хүртэл баячууд л хэрэглэдэг байжээ. Тухайн үед даавуун дээр хээ сүлжих үйл явцыг автоматжуулах оролдлогыг олон хүн хийж байснаас хамгийн амжилттайг нь Францын нэхмэлч, наймаачин Жозеф Жакарт хийсэн байдаг. Түүний 1801 онд бүтээсэн нэхмэлийн машины ачаар перфокарт буюу нүхэлсэн хавтан ашиглан давуу, нэхмэл эдлэл дээр хүссэн хээгээ богино хугацаанд гаргах боломжтой болжээ.
Уг нэхмэлийн машиныг үзэхээр Наполеон өөрийн биеэр Лион хотод морилж байсан бөгөөд Жозеф Жакартад насан туршийн цалин тогтоолгож, медалиар шагнаж байв. Энэхүү нээлт нь дэлхийн бөс даавууны салбарт хувьсгал хийгээд зогсохгүй хожим нь анхны компьютер бүтэхэд ч чухал үүрэг гүйцэтгэсэн байдаг. Перфокартыг электрон машинаар уншуулж дата дамжуулж эхэлснээр механик төхөөрөмжийн хурд 3-4 дахин нэмэгдсэн бол IBM компани анхны загварынхаа хөрвүүлэгчийг хөгжүүлэхдээ ашиглаж байжээ.
Өдгөө энэ бүх процессыг компьютерын программ гүйцэтгэх болсон ч нэхсэн хээтэй даавуу Жакартын нэртэй холбогдсон хэвээр. Аливаа хэлбэр дүрс, хээг нааж хэвлэх эсвэл хатгамалын аргаар бус шууд нэхэж гаргасан материалыг жакартан сүлжээстэй буюу жакарт хэмээн нэрийддэг.
Жакартан сүлжээстэй загварууд:
Хэвлэж наасан хээ, дүрсийг бодвол жакартан сүлжээс нь дотор талдаа өвөрмөц дүрс давхар гаргадаг бөгөөд хоёр талаараа өмсдөг загваруудад ашиглах нь түгээмэл. Хээ нь элэгдэж арилдаггүй, шигүү сүлжээстэй тул үрчийж нугаларах нь харьцангуй бага гээд жакартан сүлжээстэй хувцсыг өдөр тутамдаа өмсөхөд тохиромжтой.
Хувцас эзнийхээ өвөрмөц хэв маягийг илтгэхийн зэрэгцээ бодит хэрэгцээг хангаж, урт удаан хугацаанд эдлэгдэхүйц чанартай байх ёстой. Энэ л зарчмыг өвөрмөц түүхтэй жакартан сүлжээстэй хослуулан бүтээсэн Авантын загварууд маань таны шүүгээнд нэг шинэ өнгийг нэмж, “салахаа байсан” хувцаснуудын тань нэг болно гэж найдаж байна.
Хүүхэд:
