Black

BLACK – Limited SS24′

Avant Clothing-ийн торгон ба мерсержүүлсэн хөвөн даавуун утасны хослол бүхий BLACK цуглуулга нь бүсгүй хүний ялдам чанарыг яруу тансагаар илэрхийлсэн мөрөөдлийн ертөнцийг санагдуулам өнгө аясыг агуулж буй. Хэзээд чамин харагдах гүн хар өнгийн загвар бүрийг дэгжин, өөртөө итгэлтэй эмэгтэй танд зориулан бүтээлээ.

Материалын хувьд торгоны сэрүү татам мэдрэмжийг хөвөн даавууны байгалийн зөөлөн шинж чанартай хослуулсан бөгөөд зуны үдэш болон онцгой арга хэмжээнд өмсөхөд тохиромжтой торон бүтэцтэй. Чамин чимэглэл бүхий мөнгөлөг деталиуд нь эмэгтэй хүн бүрийн дотроо тээж явдаг далд хүслийг бэлгэдэж буй.

Нүцгэн бие, дотоод гоо үзэсгэлэн ба нууцхан хүслээс сэдэлжин бүтсэн BLACK цуглуулга нь нээлттэй байдал, хүч чадал болон гоо үзэсгэлэнгийн цэвэр хэлбэрийг эрэлхийлнэ. Дотоод хүч болоод уран чадварын илэрхийлэл болгон бүтээсэн загвар бүрээрээ дамжуулан бид эмэгтэй хүний номхон дөлгөөн бөгөөд няцашгүй сэтгэлийг хүндэтгэн үзүүлэхийг зорьлоо.

Уг цуглуулгаараа бид зөвхөн бие махбодийг нь хувцаслаад зогсохгүй зүрх сэтгэлийн хүүрнэлийг алдаршуулж, гэрэл сүүдрийн бүжгээр хөглөгдөн дотор хүнтэйгээ нэгдэн уусахыг уриалж байна.

Уг цуглуулга маань манай брэндийн хөрөнгө босгох төсөлд зориулагдан бүтээгдсэн болно.

Коллякц худалдан авах: https://avantcashmere.com/crowdfunding-black-limited-editions/