Эртний Ацтек хээ ба өнгөний нууц

Бэлгэдэл, гүн ухаан, дизайнд хэрхэн амьдардаг вэ?

Сүүлийн аяллаараа би Чили улсын нийслэл Сантьяго хотод зочлон, “Chile Before Chile” хэмээх түүхийн музейд хөл тавьсан юм. Тэндхийн шороо, чулуун дээр сийлэгдсэн дүрслэл, Ацтек болон өмнөд Америкийн эртний соёлын хээ угалз, эд өлгийн зүйлс надад урьд нь мэдэрч байгаагүй гүн утга, хүчийг мэдрүүлж, тухайн мөчөөс л энэ соёлыг зөвхөн харагдах байдал бус — түүний дотоод сүнслэг мөн чанар, утга бэлгэдэл, хэлбэр зохиомжийг мэдрүүлж чадах коллекц бүтээх хүсэл төрсөн билээ.

Ацтекийн хээ гэдэг бол геометрийн гоо зүй биш. Энэ бол амьдралын мөчлөг, байгальтай зохицон орших ухаан, цаг хугацааг туулсан бэлгэдэл юм. Тэдний ашигладаг дүрслэл бүр нь орчлон ертөнцийн бүтэц, байгалийн таван махбодь, дээд хүчтэй холбогдох сүнслэг утгатай.

Ацтекийн хээний нууц

Ацтекуудын хээ бүр нь бэлгэдэл агуулдаг бөгөөд тухайн хүний нийгэмд эзлэх байр суурь, итгэл үнэмшил, амьдралын хэв маягийг илэрхийлдэг байжээ.

1. Геометрийн хээ

• Ацтек хээнүүдийн үндсэн суурь нь геометрийн хэлбэрүүд болох тойрог, дөрвөлжин, гурвалжин юм.

• Эдгээр нь орчлон ертөнцийн зохицол, тэнцвэрийг бэлгэддэг.

2. Шувуу ба өдний хээ

• Ацтекуудын хувьд өд бол эрх чөлөө, бурханлаг хүч, дээд ертөнцтэй холбогдох гүүр юм.

• “Кецалькоатль” буюу өдөт могойн бурхан нь мэргэн ухаан, бүтээлийн эхлэл, амьдралын үргэлжлэлийг бэлгэддэг.

3. Могойн хээ

• Могой нь газар дэлхий болон дээд ертөнцийг холбогч хүч, мөнхийн шинэчлэлт, хувирал өөрчлөлтийг илэрхийлдэг.

• Амьдрал ба үхэл, орших ба эс оршихуйн мөчлөгийг могойгоор дүрсэлдэг байсан.

4. Нарны хээ

• Ацтекууд нарны хээгээр амьдралын энерги, хүч чадал, гэрэл гэгээг илэрхийлдэг.

• Нарны бурхан болох “Тонатиу” бол амьдралыг тэтгэгч бөгөөд өдрийн гэрэлд хүч чадал, эрч хүчийг бэлгэддэг.

Ацтекуудын өнгөний нууц

Ацтекуудын хэрэглэдэг өнгө бүхэн өөрийн гэсэн утга учир, бэлгэдэлтэй.

1. Цэнхэр өнгө

• Тэнгэр, усны хүч, ариусал, сүнслэг мэдлэгийг илэрхийлдэг.

• Цэнхэр өнгийг шашны зан үйл, сүм хийдийн гоёлд түлхүү ашигладаг байжээ.

2. Улаан өнгө

• Гал, цус, амьдралын эрч хүч, хүч чадлыг бэлгэддэг.

• Дайчин баатрууд, язгууртнуудын хувцас болон туг далбаанд хэрэглэгддэг байсан.

3. Шар өнгө

• Нар, элбэг дэлбэг байдал, аз жаргалыг илэрхийлнэ.

• Баяр ёслол, шашны ариун үйл ажиллагааны үеэр ашиглагддаг байв.

4. Ногоон өнгө

• Байгаль дэлхий, өсөлт хөгжилт, үржил шимийг бэлгэддэг.

• Ургац баяр, газар тариалангийн зан үйлтэй нягт холбогддог.

5. Хар өнгө

• Шөнө, нууцлаг байдал, үхэл дахин төрөлтийг илэрхийлдэг.

• Хар өнгө нь зөвхөн сөрөг биш, харин амьдралын мөчлөг, шинэчлэлтийг мөн бэлгэддэг аж.

Түүхийг зөвхөн уншиж биш, өмсөж мэдрэх боломжийг бид танд хүргэж байна.
Avant Cashmere-тэй хамт соёлын утга учрыг өдөр тутмын амьдралдаа авчирч, өөрийн дотоод ертөнцийг илэрхийлээрэй.

Б.Туул
Founder & Creative Director, Avant Clothing co.